والد حسام حبيب يفتح النار عليه: انت فعلا مش تربيتي

البلقاء اليوم - البلقاء اليوم --السلط

شن حسين حبيب هجوما حادا على ابنه المغني حسام حبيب بعد مداخلته مع الإعلامي المصري عمرو أديب على قناة "إم بي سي مصر".

وتحدث الأب عن تفاصيل جديدة في أزمة المطربة المصرية شيرين عبدالوهاب، مؤكدا أن مخالفة ابنه لشرع الله وتجاهله نصيحته وراء هذه الأزمات.

وقال حسين حبيب والد الفنان حسام حبيب عبر حسابه الشخصي على فيس بوك، إن تصرفات ابنه مع شيرين عبدالوهاب خاطئة، موضحا: "هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل".
وأكد أن أهلها فضحوها وقضوا على مستقبلها، موجها رسالة لابنه: "وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك".

وأضاف والد حسام حبيب في منشور آخر: "إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض، إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، اسأل أبوك يقولك تقول إيه".

وتابع حسين حبيب مهاجما نجله المطرب: "رايح تقول لعمرو أديب إنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتي سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنة مطلقاها ما اشتغلتش ليه بطل حجج، وخليك راجل أنت فعلا مش تربيتي، ست طلعت من بيت مامي على بيت مراتك".

---