ضجة على مواقع التواصل بسبب تصريحات البطاينة حول فرص العمل

البلقاء اليوم - البلقاء اليوم ---السلط

قال وزير العمل نضال البطاينة امس الثلاثاء ، إن الحكومة تمكنت من تأمين 32 ألف فرصة عمل منذ بداية عام 2019 .
جاء ذلك في تصريحات له خلال استضافته في برنامج “صوت المملكة” .
وقبل شهرين وبتاريخ 16 تموز من هذا العام ، كان هناك تصريح للبطاينة ولقناة المملكة أيضا قال فيه أن إن 17 ألف فرصة عمل تم تأمينها منذ بداية العام وحتى 31 تموز، وذلك من أصل 30 ألف فرصة تعهد الحكومة بتوفيرها لعام 2019.
وحسب تصريحات البطاينة ، فإن معدل فرص العمل التي وفرتها الحكومة 80 فرصة يوميا .
وقبل ثلاثة أيام ، قال وزير العمل نضال البطاينة ان الاطار الوطني للتشغيل الذي اطلقته الحكومة ويستهدف توفير 30 الف فرصة عمل عام 2019 اثبت نجاعة كبيرة بتوفير ما يزيد عن 70 بالمئة من فرص العمل المستهدفة مع نهاية شهر ايلول الماضي بالارتكاز على شراكة فاعلة وحقيقية مع القطاع الخاص.
بينما تصريحاته يوم أمس تبين ان نسبة فرص العمل تجاوزت ال 100% من تعهدات الحكومة .. فأين الصحيح وأين الحقيقة ؟
وفي الوقت نفسه وقبل أيام اعلن متعطلون عن العمل عن إنشاء صفحة عبر موقع الفيسبوك تحت عنوان ” الحملة المليونية لدعم المعطلين عن العمل ” وحتى إعداد هذا الخبر بلغ أعداد المنضمين إلى المجموعة ما يزيد عن ال 27 الف عضو .

واستهجن الناشطون على مواقع التواصل الاجتماعي تصريحات البطاينة التي لا تتوافق مع نسبة البطالة الموجودة بين الشباب ، خاصة ان البطاينة بين انه في شهرين تم تأمين 14 الف فرصة عمل ، بينما خلال سبعة أشهر تم تأمين 17 ألف فرصة ، في حالة استغراب وعدم ثقة بالأرقام الحكومية التي يتم الإعلان عنها .
واجتاحت مواقع التواصل الاجتماعي التعليقات والردود الساخرة والمستهجنة لتصريحات البطانية تاليا بعضها :

** نعم وانا اشتغلت ب 3 فرص منهن
وقاعد بقبض 3 رواتب

** ٧٠٪ من ٣٠ الف بطلعوا ٣٢ الف

** حلو وجميل. رائع و ممتاز
يعني قضيت ع البطالة سعادتك

**من الممكن أن أصدق هذا الرقم. و بالمقابل اسأل كيف ارتفعت البطالة إلى معدلات غير مسبوقة.؟؟ و كم عدد الوظائف التي فقدت نتيجة قرارات حكومة النهضة؟؟


**يمكن قصده الي اكم واحد تعينوا برواتب خيالية كل واحد فيهم بياخذ راتب 50 موظف
هيك بتزبط الحسبة

**حد يصحيه من حلمه بحيات الله ( دمرنا )
اقنعهوه انه بكفيه نوم الشباب كلها قاعده مش ملاقيه اي شي لتعيش منه

**وين الوظائف والله ما في شغل ولا مشغل الناس مش ملاقيه توكل مليح لابسين ملابسهم الكل بدور على شغل الناس ذابحها الطفر

** اي انا واللي اعرفهم عاطلين عن العمل منذ سنين لم يتغير علينا شيء وما في واحد منا حصل على فرصة عمل

** غلط مش ٣٢ الف
الرقم هو ٣٥٠ الف وظيفه للأناث
و ٥٠٠ الف وظيفه للذكور
ما انت حاكي وحاكي

** وينهم ؟ ما شفناهم بالله دوروا معي بلكي لقيتوا ٣٠٠٠٠ فرصة عمل كانوا متخبيين عنا تحت الطاوله
الله يجازي بلايشك على هالنكته بس حلوه بتضحك ربنا الله

**إذا معه شهود خذوه عالمحكمة يثبت الرقم ويقدم شهوده

** يزم جايهك بالله بطل عك قهرتني يزم

**كانوا 17 الف من أسبوعين زمن

**يا اخوان مزبوط كلامو اكتر من ٣٠ الف شردهم من الاردن اشتغلو بتركيا بكون هو صاحب الفضل عليهم

**الووووو
حدا شاف شي يخوان
ما بدنا نظلم الحكومة

** والله ماشفت حدا من الي بعرفهم اتوظف او اشتغل من 4 سنين. بتتخوثو ع سمانا !!!ولا الوظايف لفئة محددة!؟!

**وين !! يا معالي الوزير نسبة البطالة كبيرة جدا .. يعني جدا احنا بلد غريب . يعني الشغل عنا صاير اول شي الوظائف الممتازة الي جدة وابوة او احد قرايب بالحكومة بتوظف بالقطاع العام والوظائف الرسمية متل
حتى القطاع الخاص مالك واسطة بتظل داير على وظائف مش ثابتة والخاص ممكن باي دقيقة اتروح .

**وليش مستغربين ومبتهجنين
الزلمة ما كذّب علينا
ال٣٢ الف وظيفة ما حكى انهم للاردنيين راحوا
كلام معاليه صحيح ١٠٠%
٤٠٠٠ صيني للحقل الزيتي
و ٢٦ الف عاملة بنغالية لمدينة الحسن الصناعية
هيك المجموع ٣٠٠٠٠
يبقى ٢٠٠٠ اردني اللي توظفوا

**و الله لو تمسك باستار الكعبة و تحلف ما صدقتك الا اذا نشرتوا قوائم التعيينات و تاريخ كل تعيين

**يا رجل اتق الله بمشاعر هالناس، قال الله تعالى (ستكتب شهادتهم ويسألون)

**شكلي بدي اراجع طبيب انف و اذن و حنجرة هالفترة
اللي بنسمعه منهم منشفهوش ع قولة موسى حجازين

**وين هاي الوضايف ،
ما شفناش اشي ، اولادنا بعدهم قاعدين بالدار ،
آه يمكن قصدك الوضايف إللي الراتب فيها 220 ليره ،
ممكن اتشغل ابنك وابن اخوك وعمك بهيك وضايف

** يارب لطفك سنة زمان ومابضل عاطل عن العمل

**والله لو هالحكي صحيح غير يلحقني اني هالختيار وظيفه

** اتوقع رواتب 32000 اعطوهم لكم موظف من جماعتهم يمكن هيك قصده

**الي بقول 80 الف والي بقول 70الف والي بحكي 30 يا جماعه أثبتوا على رقم خلنا نعمل حالنا مصدقينكم

---