النساء الاردنيات .. مش جعفر .. !!!!!

البلقاء اليوم - وين يروح الرجال بحالهم، ول لهدرجة الأمور واصلة وتعبانين رجالنا!

مهو من الهموم اللي مخربطة معالم وجوههم، ومن الضرايب اللي بتشيّب شعر الراس، بس إنه نطلع خارج التصنيف كمان شو هالحظ؟ بتتذكروا لمّا موقع thetoptens صنف جمال الرجال حول العالم، واستبعد رجال الاردن من التصنيف وحطوا علامة استفهام عند الخانة الخاصة فيهم!

ويومها أبو كشرة اعترض وزعل وقال أنه هو بس "الخشوم" اللي مخربات عليه،
اليوم موقع ثاني قرر يصنّف النساء حسب جمالهن، وعشان يزيد قهرهم، طلعت النساء الأردنيات، ثاني أجمل نساء العرب، بعد العراقيات حسب موقع "RANKER"، اللي صنّف النساء في العالم العربي من حيث الجمال لعام 2018، واحتلت النساء العراقيات المرتبة الاولى، والنساء الأردنيات المرتبة الثانية، والنساء التونسيات المرتبة الثالثة

المصدر : نوبانيز

---